काठमाडौं । थानकोटबाट डेढ करोड मूल्य बराबरको ६३४ थान मोबाईल सहित दुईजना पक्राउ परेका छन् ।
पक्राउ पर्नेहरुमा जिल्ला डोटी घर भई हाल काठमाडौं बस्दै आएका ४० वर्षीय उमेश भट्ट र जिल्ला सिन्धुपाल्चोक शिखरपुर-१ घर भएका ३५ वर्षीय ईन्द्र बहादुर कटुवाल रहेका छन् ।
रुपन्देहीको बेलहिया नाका हुँदै काठमाडौं आएको भारतीय नम्बर प्लेटको इनोभा गाडीको एयरब्याग भित्र फल्स बटन बनाएर मोबाइल लिएर आउँदै गरेका दुई जनालाई महानगरीय प्रहरी वृत थानकोटबाट खटिएको प्रहरीले पक्राउ गरेको हो ।
प्रहरीका अनुसार उनिहरुलाई खानतलासी गर्दा उनिहरुको साथबाट Samsung, Oppo, Iphone,Redmi, Realme, Mi, Vivo, Xiaomi, Lenova, Huwai, LG, Nokia लगायत विभिन्न १८ वटा कम्पनीका ६ सय ३४ वटा मोबाइल बरामद गरिएको हो ।
आफ्नो प्रतिकृया दिनुहोस्