काठमाडौं । गत मंगलबार राती अन्दाजी ८ बजेको समयमा काठमाण्डौको रत्नपार्क एरियाबाट आफुलाई प्रहरीको परिचय दिदैँ ह्याण्ड सेट देखाएर सिभिलमा भएको प्रहरीलाई अभद्र व्यवहार गर्ने एक जना पक्राउ परेका छन् ।
पक्राउ पर्नेमा सिन्धुपाल्चोक जिल्ला लिसंखुपाखर गाउपालिका वडा नं-३ चिप्ले घर भई हाल काठमाडौंको असन बस्दै आएका कुमार श्रेष्ठ रहेको महानगरीय अपराध महाशाखाले जनाएको छ ।
महाशाखाका अनुसार काठमाण्डौको रत्नपार्क एरियामा अपराधिक प्रबृतिका ब्यक्तिहरुको सूचना संकलन गरी निग्रानी राख्न महानगरीय अपराध महाशाखाबाट खटिएको टोलीले श्रेष्ठलाई शंकास्पद अबस्थामा फेला पारी सोधपुछ गर्न लाग्दा निजले प्रहरीमाथी हातपात गरी अभद्र ब्यबहार गरी भाग्न लागेको अबस्थामा श्रेष्ठलाई नियन्त्रणमा लिई शरिर खानतलासी गर्दा निजको साथबाट सिरियल नम्बर 672YZEG886 र मोडेल नं. AZH25KDC9AA3 भएको MOTOROLA कम्पनिको GP 328 लेखिएको कालो रङको ह्याण्ड सेट थान-१ समेत फेला पारी बरामद गरी निजलाई पक्राउ गरी अभद्र ब्यबहार गर्न नहुने कसूरमा अनुसन्धान कारबाहीको लागि महानगरीय प्रहरी परिसर काठमाण्डौ पठाईएको हो।
अनुसन्धानको क्रममा निजसंग सोधपुछ गर्दा आफ्नो साथबाट फेला परेको मोटोरोला कम्पनिको सेट हाईड्रोपावर सोलुखुम्बुको चितवनमा रहेको स्टोरमा सेक्युरिटी गार्डको काम गर्दा आफूले लिई गार्डको काम छाडेको भनि बताएको महाशाखाले जनाएको छ ।
आफ्नो प्रतिकृया दिनुहोस्