काठमाडौं । आफ्नै छोरीलाई पटक-पटक बलात्कार गरेको आरोपमा बाबु पक्राउ परेका छन्।
काभ्रे मण्डनदेउपुर घर भई टोखा-९ गोंगबु बस्दै आएका ४० वर्षीय एक जनालाई प्रहरीले सोमबार राति पक्राउ गरेको हो।
उनकी २२ वर्षीया छोरी बाबुसँगै डेरामा बस्दै आएकी थिइन्। सोमबार राति बलात्कार गरेपछि पीडित युवतीले प्रहरीमा खबर गरेकी थिइन्।
‘पटक(पटक बलात्कार गर्दै आएको पीडितले बताएकी छिन्,’ महानगरीय प्रहरी वृत्त महाराजगन्जका प्रहरी नायब उपरीक्षक उमेश लम्सालले भने, ‘सोमबार राति पीडित स्वयंले खबर गरेपछि बाबुलाई पक्राउ गरिएको हो।’
बाबु र छोरी दुबैको स्वास्थ्य परीक्षण प्रसुति गृहमा गरिएको छ। परीक्षणको रिपोर्ट आइसकेको छैन।प्रहरीले बाबुलाई हिरासत लिई अनुसन्धान थालेको बताएको छ। पीडितलाई मनोवैज्ञानिक परामर्शमा राखिएको छ।
‘पीडितले प्रारम्भिक बयानमा पटक(पटक बलात्कार गरेको बताएकी छिन्,’ लम्सालले भने।
आफ्नो प्रतिकृया दिनुहोस्