काठमाडौं । काठमाडौं महानगरपालिका-२६ नयाँबसपार्क मित्रनगर स्थित राप्ती छहरा गेष्ट हाउसबाट अवैध लागूऔषध खैरो हिरोईन ६ दशमलब २६ ग्राम सहित २ जनालाई शुक्रबार साँझ प्रहरीले पक्राउ गरेको छ ।
पक्राउ पर्नेहरुमा सोही गेष्ट हाउसको कोठा नम्बर १०२ मा बस्दै आएका दाङ सिसहनिया-५ बस्ने २७ वर्षीय धमेन्द्र गुप्ता र कैलाली लम्की चुहा नगरपालिका-१ बस्ने २१ वर्षीय लोकराज जोशी रहेका महानगरीय अपराध महाशाखाले जनाएको छ ।
महानगरीय प्रहरी अपराध महाशाखाबाट खटिएको प्रहरीले उक्त गेष्ट हाउस जाँच गर्ने क्रममा उनीहरुलाई उक्त परिमाणको लागूऔषध सहित फेला पारी पक्राउ गरेको हो ।
आफ्नो प्रतिकृया दिनुहोस्