खोटाङ । हलेसी-तुवाचुङ नगरपालिका-७ बस्ने २४ वर्षीय रमेश राईको कुटपिटबाट शुक्रबार बिहान मृत्यु भएको छ ।
सोही ठाउँ बस्ने २१ वर्षीय अशोक राई, २७ वर्षीय भविन राई र २५ वर्षीय बलराम राईले बिहीबार साँझ कुटपिट गर्दा गम्भीर घाइते भएका रमेशको हलेसीस्थित ओमसिद्धी बाबा पोलिक्लिनिकमा उपचारको क्रममा मृत्यु भएको जिल्ला प्रहरी कार्यालय खोटाङले जनाएको छ ।
साथै उनीहरुको कुटपिटबाट घाइते भएका ३४ वर्षीय अशोक राईको सोही अस्पतालमा उपचार भइरहेको छ । कुटपिटमा संलग्न ३ जना हाल फरार रहेकाले खोजी गर्नुका साथै यस सम्बन्धमा प्रहरीले आवश्यक अनुसन्धान गरिरहेको छ ।
आफ्नो प्रतिकृया दिनुहोस्