झापा । मेचीनगर नगरपालिका-१२ र बुद्धशान्ति गाउँपालिका-३ को सिमानामा पर्ने धाईजन चोकस्थित सडकमा दुई गाडीको ठक्करबाट पैदलयात्रीको मृत्यु भएको छ ।
मेचीनगर नगरपालिका -३ बस्ने ७० वर्षीय हरि प्रसाद न्यौपानेको शुक्रबार बिहान मृत्यु भएको छ ।
पहरीको अनुसार प्रदेश नम्बर १-०१-००१ ज ३४०० नम्बरको बलेरोले ठक्कर दिइ लडेको अवस्थामा मे १ ज ३१९६ नम्बरको गाडीले पुनस् ठक्कर दिँदा ठक्करबाट गम्भीर घाइते भएका उनको बीएनसी अस्पताल विर्तामोडमा उपचारको क्रममा मृत्यु भएको हो ।
दुवै सवारी साधन र चालकलाई नियन्त्रणमा लिई थप अनुसन्धान भईरहेको जिल्ला प्रहरी कार्यालय झापाले जनाएको छ ।
आफ्नो प्रतिकृया दिनुहोस्