मकवानपुर । हेटौडा उपमहानगरपालिका वडा नं चार बाट चोरी गरेको सुनका गरगहना, ल्याप्टप र अन्दाजी मुल्य ७,६१,००० बराबरको रकम सहित एक जना पक्राउ परेका छन् ।
पक्राउ पर्नेमा मकवानपुर जिल्ला हेटौडा उपमहानगरपालिका वडा नं ८ बस्ने १८ वर्षीय साजन पराजुली रहेको जिल्ला प्रहरी कार्यालय मकवानपुरले जनाएको छ ।
प्रहरीका अनुसार गत राती अन्दाजी पउने ९ बजेको समयमा हेटौडा उपमहानगरपालिका वडा नं। ४ स्थित गौरी कुमार मैनाली बस्दै आएको घरमा चोरी भएको छ भन्ने खबर जिल्ला प्रहरी कार्यालय मकवानपुरमा प्राप्त हुनासाथ तत्काल यस जिल्ला प्रहरी कार्यालय तथा वडा प्रहरी कार्यालयबाट खटेको टोलीले चोरी गरी भाग्दै गरेका पराजुलीलाई पक्राउ गरेको हो ।
पराजुलीको साथबाट चोरी भएको सुनका गरगहना, ल्याप्टप र अन्दाजी मुल्य ७,६१,००० बराबरको रकम बरामद गरिएको जिल्ला प्रहरी कार्यालय मकवानपुरले जनाएको छ ।
आफ्नो प्रतिकृया दिनुहोस्