नुवाकोट । तार्केश्वर गाउँपालिकाबाट १५ वर्ष अगाडी धारीलो हतियार प्रहार गर्ने २ जना पक्राउ परेका छन् ।
पक्राउ पर्नेमा तार्केश्वर गाउँपालिका वडा नं-५ बस्ने ४० वर्षीय सन्त बहादुर तामाङ र तार्केश्वर गाउँपालिका वडा नं-५ बस्ने ३२ वर्षीय केशब लामा रहेको जिल्ला प्रहरी कार्यालय नुवाकोटले जनाएको हो ।
यस्तो थियो घटनाक्रम
मिति २०६१/०१/२६ गते तार्केश्वर गाउँपालिका वडा नं-५ बस्ने लैलु लामालाई तार्केश्वर गाउँपालिका वडा नं।-४ कर्छिन्टे स्थित फ्याङबो तामाङको घरमा घेवा हेर्न गएको अवस्थामा तार्केश्वर गाउँपालिका वडा नं-५ बस्ने सन्त बहादुर तामाङ्ग र तार्केश्वर गाउँपालिका बस्ने केशब लामा समेत ४ जनाले टोल टोलको झगडाको विषयलाई लिएर कुटपिट गरी गम्भिर घाईते बनाएकोमा उपचारको क्रममा मिति २०६१/०१/२९ गते त्रिशुली अस्पतालमा मृत्यु भएको कर्तव्य ज्यान मुद्दाका वारदात पश्चात हालसम्म फरार रहेका प्रतिवादीहरु सन्त बहादुर तामाङ्गलाई काठमाण्डौंको नागार्जुन नगरपालिका वडा नं-२ नाम्गेल चोकबाट र केशब लामालाई काठमाडौं महानगरपालिका १७ ढल्कुबाट प्रहरी प्रधान कार्यालय, केन्द्रीय अनुसन्धान व्यूरोबाट खटिएको विशेष टोलिले पक्राउ गरेकोमा निजपक्राउ गरेको केन्द्रीय अनुसन्धान ब्युरो महाराजगंजले जनाएको छ ।
आफ्नो प्रतिकृया दिनुहोस्