काठमाडौं । काठमाडौं महानगरपालिका-१४ कलंकी खसीबजारमा प्रहरीलाई नगद १ हजार रुपैयाँ दिई आर्थिक प्रलोभनमा पार्न खोज्ने २ जना पक्राउ परेका छन् ।
पक्राउ पर्नेहरुमा बाजुरा त्रिबेणी नगरपालिका-४ घर भई काठमाडौं कलंकी बस्ने २६ वर्षीय उपेन्द्र बहादुर साउद र ललितपुर गोदावरी नगरपालिका-१० घर भई काठमाडौं कलंकी बस्ने २६ वर्षीय महेश पण्डित रहेको महानगरीय प्रहरी पभाग कलंकीले जनाएको छ ।
प्रहरीका अनुसार उक्त स्थानमा बा ८८ प ७५८५ नम्बरको मोटरसाइकललाई जाँच गर्ने क्रममा उनीहरुले मदिरा सेवन गरी चलाएकोले कागजपत्र माग्दा नगद दिई प्रलोभनमा पार्न खोजेको थियो ।
चालक साउद र मोटरसाइकलमा सवार पण्डितलाई पक्राउ गरी घटनाबारे थप अनुसन्धान भईरहेको महानगरीय प्रहरी पभाग कलंकीले जनाएको छ ।
आफ्नो प्रतिकृया दिनुहोस्