उदयपुर । बेलका नगरपालिका सातपत्रेबाट १ थान कटुवा पेस्तोल र १ राउण्ड गोलीसहित एक जना पक्राउ परेका छन् ।
पक्राउ पर्नेमा बेलका नगरपालिका बस्ने १९ वर्षीय मनोज खत्रीरहेको जिल्ला प्रहरी कार्यालय उदयपुले जनाएको छ ।
जिल्ला प्रहरी कार्यालय उदयपुरका अनुसार पक्राउ परेका खत्री र सोही नगरपालिका बस्ने २६ वर्षीय बिशाल लिम्बुले स १ त ७४४० नम्बरको ट्याक्टर रोकी ट्याक्टरमा काम गर्ने एक व्यक्तिलाई हातपात गर्दै कटुवा पेस्तोल समेत देखाई अपहरण शैलीमा एकान्त स्थानतर्फ लैजाँदै गरेको थियो ।
ईलाका प्रहरी कार्यालय रामपुरठोक्सिलाबाट खटिएको प्रहरीले खत्रीलाई उक्त हतियार सहित पक्राउ गरेको हो ।
घटनामा संलग्न फरार रहेका बिशाल लिम्बुको खोजी गर्नुका साथै घटनाको थप अनुशन्धान भईरहेको जिल्ला प्रहरी कार्यालय उदयपुरले जनाएको छ ।
आफ्नो प्रतिकृया दिनुहोस्