धादिङ । धादिङको गजुरी गाउपालिकाबाट चितुवाको छाला किनबेच गर्ने छ जना पक्राउ परेका छन् ।
पक्राउ पर्नेमा गजुरी गाउँपालिका वस्ने ३८ वर्षीय भाईराम पजा, ३४ वर्षीय राजेन्द्र तामाङ, २१ वर्षीय ज्ञान बहादुर विक , २५ वर्षीय आषिश तामाङ, बेनिघाट रोराङ गाउँपालिका बस्ने ५७ वर्षीय सन्त तामाङ र राजकुमार तामाङ रहेको जिल्ला प्रहरी कार्यलय धाङिले बताएको छ ।
चितुवाको छाला किनबेच हुँदैछ भन्ने सूचनाको आधारमा जिल्ला प्रहरी कार्यालय धादिङ र ईलाका प्रहरी कार्यालय गजुरीबाट खटिएको प्रहरीले एक थान चितुवाको छाला र बा.१८ प ९६९३, ग.६प १६४५ र ग.७ प ५९६३ नम्बरका ३ वटा मोटरसाइकल सहित पक्राउ गरेको हो ।
यस सम्बन्धमा थप अनुसन्धान भईरहेको जिल्ला प्रहरी कार्यलय धादिङले जनाएको छ ।
आफ्नो प्रतिकृया दिनुहोस्