डडेल्धुरा। मोटरसाइकलको ठक्करबाट बैतडीमा एक बृद्धाको मृत्यु भएको छ । मृत्यु हुनेमा डिलाशैनी गाउँपालिका–३ पंसेराका ६० वर्षीया तुलसी खत्री रहेकी छन् ।
शुक्रबार गोकुलेश्वर– गन्ना सडकखण्डको पंसेरामा मोटरसाइकलको ठक्करवाट गम्भीर घाइते भएकी खत्रीको उपचारको लागि नेपालगञ्ज लैजाने क्रममा शनिबार बिहान मृत्यु भएको प्रहरीले जनाएको छ ।
गम्भीर घाइते खत्रीलाई सुरुमा उपचारको लागी दार्चुलाको गोकुलेश्वर अस्पतालमा पठाइएको र त्यसपछी धनगढी रेफर गरिएको र त्यहाँ पनि उपचार सम्भव नभएपछी नेपालगञ्ज रेफर गरिएको थियो ।
गोकुलेश्वरवाट गन्ना जादैं गरेको म २ प २८२० नम्बरको मोटरसाइकले पैदल हिडिरहेकी खत्रीलाई ठक्कर दिएको जिल्ला प्रहरी कार्यालय बैतडीले जानकारी दिएको छ ।
मोटरसाइकल चालक बीपीननाथ बुद्धालाई ठक्कर दिएर फरार रहेका छन् । मोटरसाइकल भने प्रहरीको नियन्त्रणमा रहेको छ ।
आफ्नो प्रतिकृया दिनुहोस्