२४ भदौ, कैलाली । किशोरी अपहरण गरेको आरोपमा प्रहरीले कैलालीमा तीनजनालाई पक्राउ गरेको छ ।
पक्राउ पर्नेहरुमा धनगढी उपमहानगरपालिका-१६ का २१ वर्षीय अनिल राना, २२ वर्षीय सन्दीप राना र २९ वर्षीय लोकेन्द्र खडायत रहेका छन् ।
उनीहरुले गएको शनिबार राति धनगढीकी एक किशोरीलाई आफूहरु प्रहरी भएको बताउँदै अपहरण गरेको जिल्ला प्रहरी कार्यालय कैलालीका प्रवक्ता प्रहरी नायव उपरीक्षक (डीएसपी) दक्षकुमार बस्नेतले बताए ।
किशोरीको उद्धार गरी अपहरणमा संलग्न तीन जनालाई आइतबार राति नियन्त्रणमा लिइएको डीएसपी बस्नेतले जानकारी दिए ।
अपहरणकारीले प्रहरी भएको भनेपछि किशोरीका आफन्तले प्रहरीलाई खबर गरेका थिए । तर, प्रहरीले नियन्त्रण नलिएको थाहा भएपछि किशोरीको खोजी सुरु भएको थियो ।
डीएसपी बस्नेतले पक्राउ परेका तीनै जनाविरुद्ध अहरण, शरीर बन्धक र जबरजस्तीकरणी सम्बन्धी कसुरमा अनुसन्धान भइरहेको बताए ।
आफ्नो प्रतिकृया दिनुहोस्