महानगरीय प्रहरी वृत्त लैनचौरले प्रतिबन्धित वनस्पति रक्तचन्दनको तेलसहित तीन जनालाई पक्राउ गरेको छ । विशेष सूचनाका आधारमा काठमाडौँ महानगरपालिका–१६ नयाँबजारबाट रक्तचन्दनको तेलसहित धादिङका ५३ वर्षीय अच्युत केसी, सिन्धुपाल्चोकका ४३ वर्षीय जीत लामा र नुवाकोटका २६ वर्षीय सुजन पौडेललाई मङ्गलबार साँझ प्रहरीले पक्राउ गरेको हो ।
महानगरीय प्रहरी परिषर काठमाडौँका प्रवक्ता प्रहरी नायब उपरीक्षक होबिन्द्र बोगटीका अनुसार लामा बस्ने कोठामा प्लाष्टिकको बोराले छोपेर राखेको अवस्थामा सिल्भरको गाग्रोमा ४५ लिटर रक्तचन्दनको तेल फेला परेको हो । यस बिषयमा थप अनुसन्धान भईरहेको उनले बताएका छन्।
आफ्नो प्रतिकृया दिनुहोस्