अछाम। अछामको मंगलसेन नगरपालिका–१ कुन्तिबन्डाली ढुंगानीमा मंगलबार राति दुई जनाको हत्या भएको छ ।
प्रहरीका अनुसार पिरमकुमार साउदले आफ्नै ठूलोबुबा ७२ वर्षीय देउसिंह साउद र ससुरा ५५ वर्षीय वीरभान थापालाई चिर्पटले हानेर हत्या गरेका हुन् ।
मृतक ससुरा छोरीको घरमा गएका बेला साउदले राति १२ बजेपछि एक्कासि उठेर आफ्नै घरमा सुतिरहेका ससुरा र ठूलोबुबालाई एकाएक प्रहार गरेका थिए ।
श्रीमतीलाई समेत आक्रमण गर्न थालेपछि उनी भागेर ज्यान बचाउन सफल भएकी छन् ।
हत्या गरी फरार भएका पिरमकुमारलाई प्रहरीले बुधबार बिहान ७ बजे वडा नम्बर २ मिस्तुरुको खम्मबाट पक्राउ गरेको जिल्ला प्रहरी कार्यालय अछामले जनाएको छ ।
आफ्नो प्रतिकृया दिनुहोस्