काठमाडौं- मोरङ, विराटनगर महानगरपालिका-१२ स्थित पन्चमुखी चोकबाट सोही महानगरपालिका-१२ बखरी बस्ने २६ वर्षीय दिनेश पासवानलाई नियन्त्रित लागूऔषध फेनारगन ४८ एम्पुल, डाइजेल्याव ३७ एम्पुल, बुप्रेर्नफिन ३१ एम्पुल र एभिल ३५ एम्पुल सहित मंगलबार राति प्रहरीले पक्राउ गरेको छ ।
बिशेष सूचनाको आधारमा जिल्ला प्रहरी कार्यालय मोरङबाट खटिएको प्रहरीले जाँच गर्ने क्रममा झोलाभित्र लुकाइछिपाई ल्याउँदै गरेको अवस्थामा फेला पारी उक्त लागूऔषध सहित उनलाई पक्राउ गरेको हो ।
सुनसरी, बराह नगरपालिका-१ कोशीघाट बस्ने २२ वर्षीय आषिश राईलाई अवैध लागूऔषध गाँजा २ सय ग्राम र लागूऔषध स्पास्मो प्रोक्सिभन प्लस २ सय ४७ क्याप्सुल सहित मंगलबार बेलुका प्रहरीले पक्राउ गरेको छ । जिल्ला प्रहरी कार्यालय सुनसरीबाट खटिएको प्रहरी टोलीले घरतर्फ जाँदै गरेका उनलाई जाँच गर्ने क्रममा झोलामा राखेको उक्त लागूऔषध सहित फेला पारी पक्राउ गरेको हो ।
आफ्नो प्रतिकृया दिनुहोस्